Роден на 21.09.1983 година во Битола каде завршив средно образование, во Гимназијата „Јосип Броз Тито“. Високото образование го завршив на факултетот за Техничка Информатика во Битола. Во моментот работам како програмер во Скопје, и сум на функција Секретар на НВО „Слободен софтвер Македонија“, покрај другите редовни активистички обврски, познати на луѓето што ме знаат.

Во 2000та година се запознав со движењето за слободен софтвер во светот и во неколку наврати со мали обиди се обидов да придонесам тоа движење да се прошири и во нашата земја особено нашиот град. Тргнувајќи од премисата дека слободата може да се добие само ако се делува и тоа во полето во кое индивидуата најмногу е способна и компетентна (во случајот Информатичката технологија), се формира здружение на корисници на слободен софтвер, што претставуваше основа за идната Група на корисници на GNU/Linux во Битола. Прва отворена активност беше иницијалната каписла за понатамошните мотиви за водење на движењето за слободен софтвер во градот – потпишувањето на договорот помеѓу Република Македонија и коорпорацијата Мајкрософт – по што испративме соопштение до јавноста во кој го објаснавме нашиот став и ја објавивме нашата работа. Ова наиде на добар одзив кај медиумите. Тоа дополнително ме стимулира да делувам во таа насока. Се формира Групата на корисници на GNU/Linux во Битола – Лугола (15 март 2004та). Името доаѓа од англиските зборови Linux User Group of Bitola. Идеите и активностите врз кои работи Лугола може да се анализираат и согледаат на страната на групата.

Во моментов примарна работа ми е Qt/C++ програмер во Скопје, патем се бавам и со пишување технички упатства за магазинот „Клик“, а и правам скромен обид за впловување во колумнистичките води (за технологија) во „Нова Македонија“. Од поодамна пишувам и колумни на овој блог преку кои ќе ги изнесам моите мислења и гледишта за состојбите поврзани со слободата и нејзиното поврзување во светот на информатичката технологија. Исто така имам работено на неколку софтверски проекти за потреби на крајните корисници.

Хоби: свирам гитара и читам книги (ако тоа е воопшто хоби)

Оспособувањето на младите да пробаат да креираат други вредности во животот може да се реализира само со искористување на креативноста што тие може да ја имаат, бидејќи светот може да го сменат само младите, вие сте млади, направете нешто.