Секоја минута 300 милиони клетки умираат во човечкото тело. 300 милиони нови се создаваат. Промената е дел од човековата природа. Промената е дел од правилниот процес за создавање на нормални услови за живеење. Впрочем, промената е основата на сите почетоци. И ако не сакаме да ги менуваме работите тогаш сме пасивни. Кон нашата природа. И можеби не заслужуваме подобра иднина. А затоа што верувам дека човекот е исто толку совршено битие колку што е и безвредно, верувам дека потенцијалот постои, само треба да се насочи на правилно место.

Оваа година ми се случија промени на приватно поле. Извадив контроверзна апликација и ја симнав од маркет, пошто Златна Книга и цела нивна техничка екипа се тешки пичкетини. Сменав дом, сменав работа (пошто „нечу да будем члан мафије“ нели), месец и пол бев на работа во Холандија, сменав оператор за Интернет, а со тоа и оператор за ТВ. Абе лудница. :) Најважното, си зедов „цимер“ (од Охрид!) да живее со мене (кога ќе почне да ми наплаќа ќе се жалам, досега е супер). You know what I mean..

Тоа сето ме радува. Текот на живеачката на приватно поле и тоа како ми се измени. Што е нормално, очекувано и посакувано. Се додека е на добро. Она кое сакам да го посакам за 2012 е малку поголема свест за искуството што другите го имаат во дадена област. Тромавоста и критиката. Фактот дека од зад Твитер работите не се менуваат ако им мрчиме на другите дека не ги бива пошто вас идејата не ви се допаѓа, дојадувајќи ја последната вреќа чипс и пиејќи го 7мото шише Кока Кола од пред монитор. Инстант експертите кои немаат почит кон знаењето и патот кој некој друг го поминал. Кои се разбираат во сешто, а зад нив немаат оставено ништо. Некои ги викаат хејтери, а јас ги квалификувам како цинични критичари на нешто кое немаат доблест да го направат подобро. И тоа кај младите е особено страшно. И во 2012 се надевам дека ова ќе се смени. Барем до 23ти декември. Пошто после, rapture.

Во 2011 полицаец уби дете. Просечно 5000 млади граѓани се собираа пола лето за да искажат дека се свесни за негативните последици и тоа што овој настан го укажува. Официјалните лица секако, без јајца, не се обидоа да преземат одговорност на своја кожа како што тоа би било случај во Норвешка, Јапонија, Исланд итн. Битно е дека на настанот не му се даде шанса да биде заборавен. Иако некој тоа сакаше да се случи. Покрај повеќе од половина хипстери, хипици и wannabe анархисти кои се појавија на #protestiram, позитивната работа е дека барем лицето кое го изврши убиството ќе одговара за тоа. Ако не беше оваа спонатана акција на младите – најверојатно и ова ќе завршеше како и останатите случаи на тепање, убиства, малтретирање итн.

Од професионална гледна точка, на приватен план секако дека нема многу да го тупам. Cause I am awesome. Сакам да потенцирам еден битен факт – КИКА (некои упорно го викаат скопски хаклаб, иако јас тврдам дека тоа е МАКЕДОНСКИ!!!). Со моето какво такво достоинство поради долгото непојавување таму (ок вчера бев), би сакал да ве повикам да помогнете овој Хаклаб да се остане таму каде што е (не локациски, туку со постоењето), да не згасне и се уништи. Како катче кое им помогнало на многумина, заслужува мала помош од Вас и вашите мозоци кои црпеле знаење од дел од луѓето кои во најголема мера го одржаваат ова место. Ако не го направите тоа за вас, направете го за другите млади кои сега се таму каде што вие бевте во 2004/2005 кога доаѓавте во Лугола, Слободен софтвер Македонија и сл. здруженија каде несебично добивавте размена на знаење и помош од останатите членови. Не зборувам само за финансиска помош, најдете начин и бидете оригинални во поддршката на Кика.

Со надеж дека во 2012 ќе ги реализирам моите нацрт-планови (не планови!), и конечно реализирам дел од моите кул идеи, ви посакувам среќен божиќ и независност.

Ој људи, одамна немам чкртнато 2 реда на блогот.. како и да е.. еве ме од Низоземска.

Речиси 1 месец работам во Амстердам како онсајт ангажман за матичната фирма од Македонија. Иако се токмам веќе некое време да споделам дел од искуството за работата и живеачката, шо можда на некој некогаш би им се нашло, се повеќе се мислам тоа да го направам само за второто, со оглед на фактот што не работам директно за холандска фирма, едноставно тука добив ангажман. Меѓутоа ќе пробам да опфатам добар дел од работите кои ги заприметив и доживеав изминатиот период.

Локацијата е критична. Амстердам. Градот на СЀ. Има буквално СЀ. До степен да почнат да ве нервираат туристите (иако и ти не си нешто многу подобар од нив), па се до момент кога се излежавате во бродот на колегата кој ве вози низ каналите на северно-европската Венеција. Во Амстердам се чини е убаво само кога времето е убаво, затоа што тогаш градот се доживува онака како што е замислен. Скромно раскошен и бизарно перверзен. Нема облакодери и висококатници, меѓутоа тоа го прави град за кој после недела-две би се запрашале дали сакате да се вратите таму од каде што сте дошло. бве неколку работи што ги заприметив кај Холанѓаните со кои се дружам, кои испаднаа прекрасна багра, и тие со кои не се дружам, а успеав да им украдам впечаток:

• компири; многу компири;
• скапо е; но scaling факторот е ист за сѐ, така што нема да имате проблем со соодветно планирање да се прилагодите;
• пиво; не како во Белгија, ама имаат многу убави пива. Неколку шо ги зап(ишав)омнав се: Grolsch Weizen (5/10), Johny (8/10), Struis (9/10), Willeke Prael (7/10), Dubbel (белгиско, 7/10), и секако незаобиколливите Heinneken и Amstel (кои имаат многу подобар вкус тука, отколку кај нас);
• не јадат многу; не им фали лесковачка и 15ка со кромид пошто генерално го немаат тој концепт; среќни се со 2 виршли за ручек и 2 парчиња бел-леб со салати, намази и сл работи;
• добро организиран превоз;
• скап добро-организиран превоз;
• Ана Франк, Ван Гог, Рембрант .. who cares? Не сум бил и веројатно нема да одам на овие места; ќе одам на Heinneken Experience тура, можда ќе закачам некоја слика отом-потом;
• Има курви и дрога. И тука би сакал да го запазам простиот наш менталитет на стереотипизација на сѐ што нѐ потсеќа на нешто; Во ист контекст како што Албанците се лоши пошто сакаат да ни ја земат земјата, а американците се прости, глупи и дебели, генералниот впечаток кога на некој му кажеш дека одиш Амстердам е дека ја имаш привилегијата што одиш во земјата на курвите и дрогата (лесната). Тоа се ок, меѓутоа во Амстердам и цела Холандија можеш да видиш уште куп други работи за кои никој не знае (пр. дека Рембрант живеел во Амстердам). И тоа е малку жално, меѓутоа ок.. сакаме да генерализираме, да, одиме кај курвите и дрогата; Бонус: хомофовите да си седат во Македонија пошто во Европа има хомосексуалци многу;
• Smartshops – покрај печурките (аман!) и енергетските супстанци (природни, велат), може да се најдат прекрасни работи кои мене ми прават ќеф, како на пример светло за чешмата, магнет за фрижидер за отворање на пиво, итн. Овде ќе одам по некои работи пред бегање, пошто нели, пред бегање парите се најлесни;
• да не спомнувам брендови и величества од типот на MediaMarkt и сл.
• бродови, вода, вода, дожд, многу вода, дожд, чадори, кабаници, вода, бродови;
• холанѓаните научиле да живеат со водата; соживот, јеби га;
• фини, воспитани, луѓе, знаат 99% англиски; не се замараат со вас и вашите проблеми;
• мултиетничка, седум-факинг-наесет милионска земја; функционира;
• има споменици, стари споменици; нема кичерај како шо има во Скопје (и допрва ќе има), има ред, поредок и пред се Демократија;
• некој од колегите спомна дека за корупција го сметаат фактот што полицајците стојат на места каде што возачите обично би возеле брзо, за намерно да ги казнуваат; хехе; душички;
• цвекиња, лалиња, за иљач не видов; можда дека е лето и факинг врни 3/7;
• педантни, но не како шо знам.. други европјани шо сум видел;
• солидарни; не сакат да им се правиш паметен дека нештото го разбираш – ценат ако прашаш;
• многу постресни од, пример Белгијците (барем тој впечаток шо го добив од мојот 5 дневен престој во Белгија пролетта);
• многу помалку стресни од Балканците;
• вода;

Од аспект на тоа како е организирана работата таму каде што сум јас, реков, нема да зборувам. Мило ми е што постигнувам резултати и шо тие резултати се базирани на добар систем за мотивација, тимбилдинг итн. меѓу вработените.

Мило ми е што турнав некои професионални предрасуди генерално за европејците, а бога ми ги зацврстив тие за кај нас. Барем со тие со кои имам искуство. Според мене, промената е основа на секое освежување кое како сакаш речи – вродува со успех. Она што професионално се разликува добар програмер од Македонија и добар програмер од Холандија, е шо никој со 2 дена искуство нема да ти се прави шалабајзер, понижува и вреѓа, туку ќе гледа да те искористи максимално, со муабет, пракса и сл. И почитта. Програмерите со кои јас имав контакт имаат почит кон својата професија – и програмираат. Не чекаат да помини летото за да навалат проектите.

Толку засега. Бидете ми убави и кротки како јагниња.
Патем: Јава 7 излегла. WHO GIVES A FUCKING SHIT?! :)

Вика ЗАМП.

Се сетив на неколку песни од Владо Јаневски и компанија, кои ако не се работи за откупени авторски права, во целост на убиваат оваа кампања уште од старт. Побарав мислење и од ЗАМП, со надеж дека за брзо време ќе добијам одговор. Дотогаш – да видиме..

Песната „Што и да е ќе помине“ – Shazam ми ја препознава како “Il Pianto Della Luna” од албум Soy El Bandido – италијанска песна за која не можев да најдам соодветен запис за да потврдиме дали е истата музичка композиција.

Next. Да не го навјаниме Владо наеднаш, еве нешто од Каролина:

Во паралела со ова:

Понатаму.

Во паралела со ова:

„Твојте очи“:

vs. „Твоје очи“

Па „Scooter – Nessaja“ (фала до Александар Јосифовски):

контра Владо:

Шо знам. На пазар јас ова не би го купил, а не па преку ТВ. Да не почниме да рчкаме дали цела музика на Јован Јованов е легално купена од продавница или преку Интернет. На Есма простено ѝ е. Ѝ требаат пари за хуманитарните цели, нели, па нејзината кауза е оправдана.

Во продолжение, благодарение на Александар Ангелов линкам кон ВББ – пост од 2008.

Како што веќе знаете, апликацијата за Андроид за Златна Книга која е неофицијална верзија, со почитување на правото и авторските права на сопственикот на сајтот (www.zlatnakniga.mk), направи доволно збрки овој викенд. Денеска, понеделнички и очекувано добив барање од ITEA и Златна Книга за повлекување на мојата апликација, и извинување за нарушениот трејдмарк (трговска ознака) и дополнителна штета што јас во овие 3 дена (од кои 2 викенд) ја направив на сајтот.

Најпрво го добив овој коментар од Игор Јаневски од ITEA (Македонска IT компанија). Значи, не им смета што непознато лице испраќа анонимни мејлови во нивно име. Во ред. Одговорот, во целост преземен од делот за коментари, беше следниот:

Здраво Игор,

кога јас Ви испратив мејл, ви го оставив и мојот телефонски број за да се чуеме во врска со потенцијални проблеми настанати од оваа апликација. Дали може да го направиме тоа, да воспоставиме телефонски контакт?

Во случајот, конкретно би сакал да одговорам на точките кои ги наведуваш тука:

- во врска со трговската ознака и правната оправданост на апликацијата може да се најде компромис, ќе биде изменета, нема да се вика Златна Книга, нема да користи бои и логоа од вашиот сервис.
- го ценам вашето право да се заштитите од потенцијална злоупотреба на Вашиот сајт од апликации и софтвер кој штети на Вашиот сервис. Но во случајот станува збор за обични HTTP риквести кои корисниците ги прават – не ги правам јас, а потоа истите се процесираат и прикажуваат како резултат на крајниот корисник. Она што во случајот е битно да се спомене, во ниту еден момент не заработувам од Вашите податоци. Во ниту еден момент не крадам содржина, само прикажувам јавно објавена содржина. Исто како што тоа го прави daily.mk.
- ме радува тоа што веќе има официјална верзија од Ваша страна за Андроид.
- ова со тужбата ми е малку специфична тема за да ја дискутираме во коментари на блогпост. Навистина сакам да се слушниме за да видиме дали има потреба од тоа или станува збор само за онлајн закана од Ваша страна кон мене.
- Вашиот бизнис модел се заоснова на маркетинг. Веројатно кога кај клиентите (во кои влегуав и дел од мојата фамилија кои со нивните фирми се рекламираат кај вас) пристапувате за рекламирање, им прикажувате број на посети на сервисот, со што практично ваква апликација е дел од процесот на подобрување на вашиот бизнис модел. Сепак тоа е мое мислење, ценам доколку вие ми кажете каде грешам.

Последната реченица исто така може да ја сметам за закана. Ме интересираат неколку работи:

1. Дали во светот кога некој прави скрапери и кролери од типот на Златна Книга за Андроид и daily.mk за македонските дневни весници, веднаш се пристапува со закана за тужба? Дали мислите дека то е правично оправдано и професионално со оглед на тоа што и двајцата делиме иста проефсија? Како Вие се справувате со ваквите коментари кои инволивраат тужби за крадење содржина? Во смисла, доколку Нова Македонија ви пише да не им ја крадите содржината, што им одговарате?

2. Дали сметате дека штетата што јас во изминатите 3 дена ви ја направив (и ако може да ми кажете колкава е?) може и мора да се разрешува на суд? Дали има човечки фактор за разговор тет-а-тет во кој ќе ги решиме проблемите? Со оглед на тоа што во Ноември некаде 2010 јас ви испратив мејл за мојата намера, на кој вие не ми одговоривте, сметав дека вие немате ништо против мојата намера да направам кролер за вашиот сервис.

Само да потенцирам: немам ништо против вас, немам ништо против сервисот, напротив, фактот што многу го користам дојде до идејата да направам апликација за Андроид.

Се надевам ќе се чуеме и видиме за скоро.

Уште необјавен коментарот ми се јави Владимир, директор на Златна Книга, со разговор во кој ми објасна за сериозноста на кривичото дело кое го правам со крадење на нивната трговска марка.

Јас, Александар Балаловски, сум свесен дека во дадена мера ја искористив трговската марка Златна Книга за промовирање на мој труд, Андроид Апликација преку која најдобронамерно сакав да помогнам во промоцијата на овој сервис. Поради тоа што го користам редовно (значи сум активен корисник на овој сервис) и поради тоа што дел од моите најблиски луѓе плаќаат претплата за промоција на нивните информации на овој сервис. Се извинувам на надлежните за „злоупотребата“ на нивниот трејдмарк и апликацијата ја повлекувам од Google Market (веќе е тргната од објавени апликации (Unpublished), потребно е малку време да се ажурира сајтот), со тоа што изворниот код на апликацијата останува на истото место каде што беше и досега. Истовремено сакам да ги додадам следните коментари.

• во ниту еден момент немав задни намери да наштетам на фирмата Златна Книга и веб сервисот кој го развиваат www.zlatnakniga.com
• во ниту еден момент не украдов податок кој го складирам во апликацијата – се работи за realtime прикажување на податоци исто како што тоа го прават корисници кога кон сервисот пристапуваат преку Веб прелистувач (Mozilla Firefox, Internet Explorer, Google Chrome, мобилни прелистувачи).
• во контекст на прашањето би сакал да наведам дека трговската марка е право на секоја фирма и правно лице во Македонија согласно законските одредби кои го регулираат ова. Златна Книга е трговска ознака на фирмата која тоа го има регистрирано и во контекст на ова, повикот за суспензија на името и трговската ознака се апсолутно легитимни од нивна страна. Тоа е мојата единствена грешка
• во ниту еден момент немав финанскиска добивка, ниту пак намерата за ова беше таква. Намерата беше доближување на сервисот кон Андроид корисниците и усовршување на моите програмерски способности во областа на програмирањето за мобилната платформа Android
• во контекст на горе-кажанот, имајќи во предвид дека станува збор за блага цензура, побарав поддршка од EURisk, по сугестија на познаник/чка од Twitter. Состанокот го закажав за утре во 12.00 во просториите на EURisk во Скопје.
• би ценел ако дополнително ме снабдите со правна поддршка во целиот овој процес. Што можам дополнително да направам за да се заштитам од потенцијална тужба за она што останува од апликацијата?
• би ценел ако споделите слични вакви приказни кои во светот се наградуваат, наместо казнуваат и им се пристапува со закани за тужба.

Заокружувајќи го сето ова, директорот на Златна Книга ме повика на лична средба во текот на оваа работна недела. Тоа го ценам како гест на добронамерен пристап во решавањето на проблемот. Прашувајќи ме колку јас се разбирам од бизнис процеси, одговорив дека сѐ уште немам големо искуство поради фактот што сѐ уште се водам како вработен во друга фирма, а не само-вработен во сопствена фирма. Но едно знам, доколку ова се случеше со веб сајт, производ на мојата фирма, ќе го наградев програмерот, тешки луѓето да ми прават апликации и интерфејси за производи кои јас ги развивам. Но тоа е мое мислење и во ниту еден момент нема да се обидам да атакувам врз мислењето на раководителите на Златна Книга, нивно право и нивна желба.

Во меѓувреме, од постот на mobile.komunikacii.com дознавам:

• 40 луѓе го шерувале постот на Facebook за Златна Книга;
• 7 го твитале
• 308 посети на постот
• 8 од гугл пребарувајќи „златна книга“
• повеќе посети и од пребарување „златна книга андроид“

Со ова сметам дека во добар дел ја зголемив релевантноста на сервисот и понудив можност луѓето повторно да пристапат до овој веб ресурс.
Дополнителни информации ќе има во нови постови – само за да ја расчистиме целата ситуација.

Програмери, добро размислете. Во Македонија се доведува во прашање интегритетот и работата на нашата професија. Што би направиле вие во ваква ситуација? Секое мислење е добредојдено и ценето.

Да ја сумираме целата ситуација.

Денеска е објавена НЕОФИЦИЈАЛНА верзија на Златна Книга за Android.
По 2 часа апликацијата престана да функционира, не знаев зошто. Потоа го добив овој мејл.

На крај испадна дека Филип Димитровски, на Твитер познат како webomania испратил лажен мејл до мене претставувајќи се како Златна Книга (препорачувам да се испита легалноста и правната оправданост во врска со ова).

Изгледа дека Златна Книга не испратиле никаков мејл до мене, тоа го направил Филип Димитровски. За ова ги известив Златна Книга и очекувам директен контакт со нив да ја расчистиме целата ситуација. Би ги советувал да ја разгледаат можноста да се заштитат од нивно лажно претставување од страна на корисници на Интернет кај нас, затоа што утре истиот лик може да испрати мејл до мене во име на Златна Книга со компромитирачка содржина.

Мора да кажам дека тролањето е успешно, но еве, за секој случај нека знаат и Златна Книга за сето ова :)

Официјално барање за прекин на Андроид апликацијата за Златна Книга:

Почитувани ,

Поздрав,
Техничка поддршка на Златна Книга

Им испратив одговор, само сакам да потврдам дека Златна Книга намерно ги пореметува риквестите кои стигаат до нивниот сајт.

ЗАБЕЛЕШКА: Мејлот беше испратен во нивно име, од страна на друг. Еве објаснување.

Еве, само да го оставам ова овде.

Неколку работи:

• апликацијата е GPLv2 лиценцирана – што ја прави слободен софтвер.
• ја направив како вежба
• ако најдете багови, би ценел ако ги репортирате на github. Ако репортирате овде во коментари, процесот на фиксање ќе е многу побавен.
• апликацијата скрапува. Ако решат од Златна Книга да блокираат пристап – не ме обвинувајте мене ако еден ден не работи апликацијата ничим изазвано.

Шо знам друго. GemoKodero ми е алиас на маркет, пошто сум фаца. Шо ве интересира околу апликацијата, слободно коментирајте.

Во Египет се случува нешто многу важно. Од аспект на политичките промени кои стигнале како влијание од повеќе исламски земји наоколу, каде имаше промени на власта (Либан, Тунис, па можеби и протестите во Албанија?). Сѐ уште верувам дека промената на власта ја прават и треба да ја прават само граѓаните, на демократски или насилен начин ако сите други цивилизирани инструменти се истрошени. Не верувам на капацитетот на македонскиот електорат да избере нешто што во права насока ќе ги води во даден временски период (без разлика дали е во ЕУ или во војна (Нато)), не дека Македонците се глупи, чисто поради фактот што нема алтернатива. Ако власта е спремна да се дрзне да организира протести против опозицијата додека е на власт, сметам дека кога истите тие фаци ќе бидат опозиција, нивните мерки ќе бидат многу порадикални и недемократски. Погубноста е далеку порелевантна ако се земе во предвид дека на 28 Март 2009г. имаше масовно тепање на студенти кои организираа мирен протест против новите урбанистички планови на властите. Да, тогаш студенти беа тепани од контра-протестантите, оние кои „спонтано“ се собраа на плоштадот.

Сето тоа е многу помалку важно ако се земе во предвид тоа што мене ме интересира, а се случува во Египет денеска, од технички аспект: 80 милиони луѓе одат офлајн во еден момент. Египет е најголемата исламска земја една од најголемите исламски земји во светот, Каиро е главен град на муслиманите во светот, една од најсилните (и дуалистички најслаба во многу гранки) економии ако се земе во предвид величината на оваа земја – 80 милиони жители од кои 25 милиони живеат во Каиро.

Се чудиме дека некој ја исклучува А1, во време кога знаеме дека зад оваа телевизја одамна постојат голем број теории на заговор, онакви какви што сите знаеме дека постојат. Додека чекаме судовите тоа да го докажат, би сакал да запрашам, што треба да очекуваме од нашите 100тина владини функционери во време кога 80 милиони луѓе ги снемува од мапата на Мрежата? Или, кога тоа ќе се случи и кај нас и што се случува со прашањата поврзани со неутралноста на мрежата во светот, денес, кога сме на прагот на можеби една од најважните потенцијални промени во светот, Египет? Што ќе направиме ние ако утре, наместо А1, властите одлучат од функција да ги избришат провајдерите преку кои излегуваме на Мрежата?

What we need is more of these:

Златна Книга не нуди интерфејс за пристап до нивните податоци меѓутоа многу лесно можете да го соберете сите записи ако сте спремни да направите околу 300.000 риквести кон сервисот. (URL-ата на zk.mk се смешка). За да не се случи DDOS кон сервисот, решив да направам форма на scraper кој realtime ќе испраќа риквести и парса резултати на Android уред. И тоа како идеја за апликација која мене ми требаше додека чекав на семафорот да го најдам бројот на ресторан кај шо имав сериозен бизнис муабет за продажба на мој прозивод во цена од 3м. евра. :))

Не е ништо посебно апликацијата, помага во голема мера да најдите телефонски број, вебсајт или локација на фирма или ентитет (wow), меѓутоа уште не можам да дадам верзија за тестирање пошто Google Maps со клучевите (debug|release) ми направија непотребни проблеми во животот. Се надевам до вечер сѐ ќе е во ред.

Еве неколку тизери, за отприлика што зборувам:

Главен екран:

Екран со резултати:

Инаку уште XML-ите ми се да ги средам и ќе го дадам и кодот на github (GPL), па нека се офајди некој дечко на некој од следните натпревари :) Сега откако ве тизнав, се надевам нема да останете тизнати.

mwa.